NOI&VOI ORE RRĂMĂNJ

ORE RRĂMĂNJ

Llo ta s’chară rrămănia,
j’intră focu!
Scullats rrămănj’a balcanu,
si’ardi llocu!

Duri vi chucutit ti dunjau,
mor măratsyiă!
Fitsets tsăva sh’ti rrămănj,
ca burbatsyiă.

Vi’ari faptă Dumădzăllu,
dishtiptats!
Chucutitsvă scăpats limba,
tsi’ashtăptats?!

Nu fitsets cum avets faptă,
păn asiară!
Ahurhits’nă frrăndză nau,
cama mbară!

Mixhidonj shi Cullunjats,
sh’Voscopoiar!
Tuts hits frats, ună fumeyiă,
un dămar-u!

Yiu vă dusi prifăniatsa,
soia’l papu!
Ca oili cu capu n’hima,
lla hăsapu!

Vinum sh’noi dadun cu Roma,
sh’cu Hristollu!
Tu Ballcan-u s’ni cunushtem,
vini kirollu!

Dit anj-jă tsi fudzi Roma,
ampulusim!
Căt craturi avem faptă,
sh tsi’amăntăm?

Di Leo Gjata